Krerët e FFKs në Paris, për mandat të ri të Infantinos

Krerët e Federatës së Futbollit të Kosovës (FFK) me në krye Agim Ademin sot gjinden në Paris, ku po mbahet Kongresi i 69 i FIFAs.

Aty pritet të votohet mandati i ri i kryetarit aktual të FIFAs, Gianni Infantino, derisa pikë kryesore e ditës do të jetë rritja e pjesëmarrësve në Kupën e Botës Katari 2022.

Kupa Botërore, si ngjarja më e madhe futbollistike në botë, aktualisht është me 32 pjesëmarrës, ndërsa synohet të bëhet me 48 vende pjesëmarrëse.

FFK po përfaqësohet nga Agim Ademi kryetar, Eroll Salihu sekretar dhe Bakir Burri nënkryetar.