HEKURAN KRYEZIU
Kryeziu: Ata fituan një pikë, ne i humbëm dy
25 March, 2019 @23:39
Mesfushori i Kosovës i cili e kishte shiritin e kapitenit në ndeshjen e sontme ndaj Bullgarisë, Hekuran Kryeziu, në deklaratën e tij pas ndeshjes për RTK-në, tha se nuk kanë pritur një lojë kaq defansive të Bullgarisë dhe Kosova ishte ajo e cila i humbi dy pikë në këtë ballafaqim.
“Nuk e kemi pritur një lojë të tillë të kundërshtarit. Bullgaria ishte shumë defansive. E kanë analizuar mirë lojën tonë nga ndeshjet e kaluara, përfshirë edhe ate të fundit ndaj Danimarkës. Luajtën shumë defansiv dhe ne nuk e kemi pritur këtë.
Dëshironim të startonim me fitore, por fatkeqësisht nuk arritëm. Tani do të mundohemi t’i marrim gjërat e mira nga kjo ndeshje dhe të mësojmë më shumë për t’u përmirësuar. Ata fituan një pikë, ndërsa ne i humbëm dy,” tha Kryeziu.