Kupa i takon Cityt

​Në super finalen e zhvilluar sot në Wembley u nevojitën penalltitë që të përcaktohej fituesi. Në 120 minutat e luajtura ndeshja u mbyll me rezultat 1-1, përkundër shumë rasteve për shënim nga të dyja skuadrat. Për skuadrën e Pellegrinit golin e epërsisë e shënoi Fernandinho, mirëpo rezultati u barazua pak para fundit nga braziliani Coutinho. 

Në gjuajtjet e penalltive hero ishte portieri Caballero, i cili priti 3 penallti, për t’i dhuruar skuadrës së tij triumfin në Capital One Cup. Nga pika e bardhë për skuadrën e Jurgen Klopp gabuan Lallana, Coutinho dhe Lucas Leiva, duke bërë që ëndrra e Kloppit që të debutojë me trofe në Angli të shuhet.