KUJTIME
Latifi kujton telefonatën me Vokrrin, një natë para pranimit
3 May, 2020 @18:16
Gazetari sportiv i Kosovës Driton Latifi ka shpërndarë në Facebook një kujtim interesant një natë para se të votohej për Kosovën si anëtare të re të UEFA-së.
Latifi kishte telefonuar kryetarin e atëhershëm të FFK-së, Fadil Vokrrin.
Latifi: Fadil, po tutna se nuk na kalon pranimi?
Vokrri: Pse?
Latifi: Ai neni që s’jemi në OKB…
Vokrri: O Driton! Ligjin e shkrun edhe e ndërron njeriu.
Latifi: Valla, boll po tutna. Ligji nuk ndërrohet për neve, osht nen në fuqi.
Vokrri: Na, nesër të pranum jemi. Ate po ta heki unë, a ke ndonjë tutë tjetër?
Latifi: Jo, tjetër s’kam.
Të nesërmen…
Vokrri: Hahahahaha… çka thojshe ti, çka thojshe… Hahahahah…
Latifi: Ti s’je normal çka ke bo. As në ëndërr s’e kisha besu…
(Kujtim i shkëputur nga llogaria e Latifit në Facebook)