PLISAT
Leonit Abazi prezantohet te Prishtina
5 August, 2019 @16:31
Pas njoftimit për dy largime nga skuadra në mëngjes, Prishtina ka zyrtarizuar marrëveshjen me tanimë ish futbollistin e Skënderbeut të Korçës, Leonit Abazi.
Prishtina sot është ndarë me Argjend Mustafën dhe Bleon Sekiraqën, ndërsa me Abazin ka nënshkruar kontratë tre vjeçare, pas negociatave të zgjatura, siç ka bërë të ditur njoftimi zyrtar i ekipit bardhekaltër.
“Vendosa për Prishtinën, sepse është klubi më i madh në Kosovë, klubi më i trofeshëm dhe klub me ekip me ambicie shumë të mëdha dhe kjo ishte arsyeja më e madhe e kësaj zgjedhje”.
“Sigurisht që pres titullin kampion me Prishtinën, aty ku e ka vendin klubi dhe sa më lart të ecim në Evropë”.
“E njoh ekipin e Prishtinës, e kam përcjell edhe sa isha në Shqipëri sikurse edhe kryetrajnerin Josa të cilin e kam pasur trajner edhe në Skënderbe. Është trajner me përvojë dhe kam shumë respekt të madh për të”, ka thënë Leonit Abazi.
Futbollisti i lindur në Gjilan, që aktualisht është 26 vjeç, ka fituar gjithçka në Shqipëri me Skënderbeun, ndërsa ka përvojë edhe nga momentet më të ndritura të ekipit korçar kur luajti në fazën grupore të Europa Ligës.