Lirohet Kurshumlija, bëhet i ditur zëvendësuesi

Përmes një vendimi të publikuar sot, Federata e Basketbollit e Kosovës ka bërë të ditur që komesari i garave, Faton Kurshumlija, për arsye personale është liruar përkohësisht nga detyra në fjalë. Deri në një vendim tjetër të bordit ekzekutiv, ushtrues i kësaj detyre që nga sot do të jetë Burim Koshi, anëtar i deritashëm i bordit të FBK-së.

Vendimi i plotë i FBK-së është paraqitur më poshtë:

“Në bazë të kompetencave të veta statutore dhe procedurës së përcaktuar në Rregulloren e Punës së Bordit të Federatës së Basketbollit të Kosovës, Bordi Ekzekutiv i FBK-së, merr këtë:

                                                  VENDIM

1. Miratohet kërkesa e z. Faton Kurshumlija për lirim të përkohshëm nga detyrat e Komesarit të Garave për arsye personale, deri në një vendim tjetër të Bordit Ekzekutiv;
2. Z. Burim Koshi, anëtar i deritanishëm i Bordit të FBK-së, punëtor shumëvjeçar i basketbollit, ish-gjyqtar dhe delegat, ngarkohet me detyrat e ushtruesit të detyrës së Komesarit të Garave të Federatës së Basketbollit të Kosovës, deri në një vendim tjetër të Bordit Ekzekutiv.