Llapi i huazon 5 futbollistë

Skuadra e Llapit ka lajmëruar se janë huazuar 5 futbollistë nga skuadra.

Bëhet fjalë për futbollistët Loris Kikkri, Alban Shabani, Bekim Maliqi, Blerand Qitaku dhe Gentrit Duriqi.

Portieri Kikkri është huazuar te skuadra e Egnatias, dyshja Shabani e Maliqi te Skënderbeu, Qitaku te Dardana dhe Duriqi te skuadra e Podujevës.

Llapi në xhiron e parë në Superligë do të takohet me Dritën. Data e ndeshjes nuk është caktuar ende për shkak të pjesëmarrjes së Dritës në rrethin e tretë të Europa Leagues.