LLAPI
Llapi largon njërin prej portierëve të huaj
14 January, 2021 @22:17
Skuadra e Llapit ka shkëputur marrëveshjen e bashkëpunimit me njërin prej portierëve të saj.
Steven Hoffman nuk do të jetë më pjesë e llapjanëve, pas marrëveshjes së dyanshme me klubin.
Portieri jugafrikan ka pasur 11 paraqitje me Llapin gjatë stinorit vjeshtor duke pësuar gjithsej 16 gola dhe 3 herë prej tyre arriti t’i përmbyllë ndeshjet pa pësuar.
Llapi përveç Hoffmanit ka në dispozicion edhe portierin italian Giacomo Nava dhe të sapo transferuarin, shtatlartin Marijan Coric.