GRUPI F
Makineritë e golave takohen në Manchester
17 October, 2017 @11:39
Me fillim nga ora 20:45, në ‘Etihad Stadium’ të Manchesterit një spektakël futbollistik i premtohet adhuruesve të futbollit.
Dy skuadrat me sulmet më të frikshme në Evropë, Manchester City e Napoli, takohen mes vete në duelin e Grupit F. Që të dyja janë lidere në ligat përkatëse. City ka shënuar 29 gola në 8 takimet e para, kurse Napoli ka shënuar 26 në po aq takime sa i përket ndeshjeve të ligës dhe këto janë shenja të qarta që sonte mund të shohim një ndeshje atraktive me shumë gola.
Në ndeshjen tjetër të grupit, Feyenoordi e pret Shakhtarin në Rotterdam.
