TREPÇA - BASHKIMI
Mala shkëlqen ndaj ish-ekipit, Bashkimi triumfon në Minatori
2 October, 2019 @18:54
Skuadra e Bashkimit, nuk gaboi edhe në ndeshjen kundër Trepçës.
Portokallezinjtë e mposhtën kundërshtarin me rezultat 74-85, për ta regjistruar fitoren e dytë rresht të stinorit.
Dallimin e krijuar në çerekun e parë, Bashkimi e kontrolloi deri në fund të ndeshjes dhe kështu do të kthehen në shtëpi me fitore.
Më i miri te Bashkimi ishte Musab Mala. Ai kundër ish-skuadrës së tij shkëlqeu me 22 pkë, 6 asistime, 3 topa të rrëmbyer e 2 kërcime, kurse në fitoren e skudrës prizrenase kontribuan edhe Terik Bridgeman me 18 pikë e 11 kërcime, Ujkan Karanezi me 18 pikë, 8 kërcime e 5 asistime dhe kapiteni i skudrës Qëndrim Biraj me 12 pikë të tjera.
Te Trepça më i dalluari ishte Dj Hanes me 25 pikë, 5 asistime e 4 kërcime, derisa luajti pa pushim 40 minuta.
Bashkimi në dy ndeshjet e luajtur i ka dy fitore, kurse kjo ishte ndeshja e parë e Trepçës, ngase pushuan në xhiron e kaluar.
Bashkimi në xhiron e tretë do të pushon, kurse Trepça do të përballet me Yllin.