MALI I ZI
Mali i Zi, rifillon futbolli me tifozë
25 May, 2020 @22:25
Liga e Parë e Malit të Zi do të rifillojë këtë të shtunë dhe atë me tifozë! Ky është njoftimi më i ri që vjen nga fqinji Perëndimor i Kosovës, bën të ditur e përditshmja më e madhe e atjeshme Vijesti.
Pas njoftimit të kryeministrit Dusko Markovic për zero raste aktive me coronavirus, malazezët e kanë shpallë vendin e tyre të çliruar nga coronavirusi.
“Do të lejohen dasmat, tubimet fetare dhe numër i caktuar i tifozëve në ngjarjet sportive,” ka thënë Markovic sonte.
Të gjitha ligat e futbollit do të nisin më 30 maj, pas 84 ditëve pauzë, ndërsa finalja e Kupës është përcaktuar të zhvillohet më 2 gusht.