Mallkimi i Benficës

Pasi që edhe mbrëmë humbi finalen, Benfica, me të vërtetë ka filluar të besojë në mallkimin e ish trajnerit të tyre, Ben Guttman. 

Kjo është finalja e shtatë që po e humb Benfica në Europë dhe goli i Branislav Ivanovicit në fund të ndeshjes i ka ngrirë edhe njëherë portugezët. 

Si u mallkua Benfica? 

Pasi që në u bë dy herë kampione e Europës në vitet 1961 dhe 1962, trajneri i atëhershëm i portugezëve, Ben Guttman, u ulë në tavolinë për të nënshkruar marrëveshjen e re për vazhdim të kontratës. 

Pasi që kërkoi ngritjen e rrogës, kërkesa e tij u refuzua nga klubi. Kështu, kur u nda nga klubi, Guttman, mallkoi klubin duke thënë: 

“Benfica edhe 100 vite të tjera nuk do të arrijë të fitojë titull europian.” 

Kështu Benfica prej vitit 1962, kur fitoi trofeun e fundit europian ka humbur shtatë finale deri më sot: 1963, 1965, 1968, 1983, 1988, 1990 dhe 2013.