ANGEL CORREA
Milan para marrëveshjes me argjentinasin
23 July, 2019 @0:04
Sky Sport Italia ka bërë të ditur se Milan është pranë arritjes së marrëveshjes me Atletico Madridin për mesfushorin argjentinas, Angel Correa.
Sipas mediave italiane, Milan do t’i paguajë rreth 50 milionë euro Atletico Madridit për kartonin e lojtarit që mund të shkojë edhe në 7 milionë tjera, varësisht nga performanca e lojtarit.
Gianluca di Marzio gjithashtu ka bërë të ditur se drejtori i rossonerëve Zvonimir Boban ka qenë sot në Madrid për të kryer detajet e marrëveshjes.
Në anën tjetër milannews.it ka bërë të ditur se pagesa e rossonerëve do të jetë 40 milionë euro + 10 milionë euro bonuse ndërsa 7 milionë euro tjera në bonuse pak më të vështira.
Reprezentuesi argjentinas shihet si furnizues ideal për sulmuesin polak të Milanit, Krzystof Piatek. Correa në stinorin e kaluar shënoi pesë gola dhe pesë asistime për Atleticon në 49 paraqitje.