PAS NDESHJES
Mulaomerovic tregon arsyet e humbjes nga Britania
8 August, 2019 @13:01
Përzgjedhësi i përfaqësueses së Kosovës në basketboll, Damir Mulaomerovic, në deklaratën e tij dhënë pas ndeshjes, ndër të tjera ka bërë të ditur edhe arsyet e humbjes së Kosovës nga Britania e Madhe mbrëmë.
“Ne kishim shanse për të fituar këtë lojë. Djemtë po luanin mirë, por mungesa e lojtarit kryesor të qendrës, Lis Shoshi pati shumë ndikim. Lojtarët kanë luajtur mirë në mbrojtje, por jemi ndëshkuar nga Britania e Madhe, në gabimet që kemi bërë”, nënvizoi Mulaomerovic pas ndeshjes.
Kosova ka nisur me 2 humbje fazën e tretë parakualifikuese për Eurobasket 2021 dhe tashmë ka vetëm gjasa teorike për të arritur fazën kualifikuese.
Pas Luksemburgut, Kosova është mposhtur edhe nga Britania e Madhe.
