Muriqi pozitiv në COVID-19 dhe me lëndim, rrezikon ndaj Maqedonisë!!!

Sulmuesi i Kosovës, Vedat Muriqi, është konfirmuar si rast i ri me COVID-19.

Futbollisti që ditë më parë zyrtarisht u bë lojtar i ri i Lazios në Serie A gjendet në Stamboll dhe do të karantinohet aty, derisa të bëj testin e radhës.

Nëse testi i radhës do t’i dalë negativ, do të udhëtoj për Romë për t’iu bashkuar ekipit në stërvitje.

Data e konfirmimit të Muriqit si rast pozitiv mund të rrezikojë që ai të paraqitet në përballjen jetike të Kosovës ndaj Maqedonisë Veriore të vlefshme për finalen PlayOffit për EURO2020 dhe shto kësaj edhe lëndimin që e ka, atëherë rreziku për paraqitje të tij në ekip, rritet. 

Mediat maqedonase kanë bërë të ditur në një lajm të tyre se Muriqi nuk do të jetë pjesë e ekipit të Kosovës më 8 Tetor, duke e cilësuar si “më i miri i Kosovës nuk do të luaj ndaj Maqedonisë në Shkup.”.

Kjo pasi që thuhet se Vedati ka edhe një lëndim muskulor që pritet ta mbajë atë jashtë fushave për afro një muaj! 

Derisa të konfirmohet gjithçka me ri-testimin e lojtarit (si për COVID-19 ashtu edhe për lëndim), saktë nuk mund të thuhet asgjë.

Ndërsa në anën tjetër Muriqin Kosova e pret për vendimtaren që siguron finalen e PlayOffit për EURO2020, pasi që prezenca e tij në fushë po ka ndikim të madh në lojën e Kosovës, veçanërisht kur kihen parasysh dy ndeshjet e fundit në kuadër të Ligës së Kombeve gjatë shtatorit.