PËRFAQËSUESJA
Ndeshjet e Kosovës drejtpërdrejt në TV
Teksti: Federata e Basketbollit e Kosovës
29 August, 2016 @17:43
Federata e Basketbollit të Kosovës me kënaqësi konfirmon lajmin se tashmë është konfirmuar se të gjitha ndeshjet e përfaqësueses së Kosovës në kualifikime për Eurobasket 2017 do të transmetohen drejtpërdrejt.
Sekretari i Përgjithshëm i FBK-së Leart Hoxha ka konfirmuar se sponsori medial i FBK-së dhe FBK-ja kanë arritur marrëveshje me federatat e Sllovenisë, Ukrainë dhe Bullgarisë dhe transmetuesit e tyre për këmbim sinjali, kështu që ndeshjet tona si vendës dhe si mysafirë do të transmetohen në Supersport.
Po ashtu dihet se për sinjal tokësor ndeshjet do t’i transmetojë RTV21.
Ndeshja e parë e Kosovës zhvillohet në Lubjanë, me Slloveninë dhe zhvillohet të mërkurën më 31 gusht në ora 20:00.
Kosova i zhvillon të gjitha ndeshjet si vendës (me Ukrainën me 3 shtator, me Slloveninë më 10 shtator dhe me Bullgarinë më 17 shtator) në palestrën Minatori në Mitrovicë dhe ndeshjet fillojnë në ora 20:00.
Ndeshja e Kosovës në Sofje (7 shtator) fillon në ora 18:00, kurse ajo me Ukrainën në Vilnius, më 14 shtator në ora 19:00.
