PARA NDESHJES PRISHTINA - FLAMURTARI
Në Drenas për derbin e kryeqytetit
28 October, 2017 @10:00
Me derbin e kryeqytetit mes Prishtinës dhe Flamurtarit do të hapet xhiroja e XIII e Superligës së Kosovës në futboll.
Skuadrat nga kryeqyteti përballen mes vete në Drenas, me stadiumin e Prishtinës që është ende në renovim e sipër.
Takimi zhvillohet mes dy skuadrave që kanë synime krejtësisht të kundërta sivjet. Prishtina në njërën anë me një fitore të mundshme do të ngjitet e para në tabelë, të paktën derisa Llapi ta zhvillojë ndeshjen e vet, ndërsa në anën tjetër Flamurtari kërkon që me një fitore eventuale së paku të fillojë largimin nga zona ‘e ftohtë’.
