PARA NDESHJES: SIGAL PRISHTINA - KHIMIK
Foto: fibaeuropecup
Në kërkim të fitores së dytë
25 October, 2017 @12:08
Sigal Prishtina sonte në Pallatin e Rinisë dhe të Sporteve në kryeqytet pret ekipin ukrainas, Khimik, në kuadër të xhiros së dytë të fazës grupore të FIBA Europe Cup.
Bardhekaltërit, pasi që fituan ndeshjen e parë si mysafir ndaj ekipit belg, Belfius Mons, me pikët e Lis Shoshit në sekondën e fundit, tashmë po kërkojnë edhe fitoren e dytë.
Khimik është mposhtur në ndeshjen e parë (60-80) të Grupit G ndaj ekipit turk, Demir Insaat, që llogaritet edhe favorit për të kaluar grupin.
Kështu, bardhekaltërit me pak fat dhe me shumë përkrahje nga tribunat do të mund të siguronin për herë të parë kalimin në fazën tjetër të FIBA Europe cup, brenda javës.
TABELA AKTUALE E GRUPIT G:
| 1 | Demir Insaat | 1-0 | ||
| 2 | Sigal Prishtina | 1-0 | ||
| 3 | Beflius Mons | 0-1 | ||
| 4 | Khimik | 0-1 |
