Nis edhe Gjilani

Skuadra e Gjilanit që kishte ndërruar trajnerin Sadat Pajaziti me Bylbyl Sokolin para fundit të stinorit vjeshtor, ka bërë të ditur se nesër (12 janar 2016) do të nis përgatitjet për stinorin pranveror të Superligës. 

Gjilani ka qenë njëra ndër befasitë më të këndshme të pjesës vjeshtore të kampionatit, duke ardhë nga Liga e Parë dhe duke synuar kreun. 

Dy futbollistë të Gjilanit kanë hyrë në ekipin më të mirë të vitit 2015 nga FFK-ja së fundi. 

Gjilani është aktualisht në vend të tretë të Superligës dhe ka vetëm dy pikë më pak se lideri, Ferronikeli. 

Pranvera në Superligë nis më 27 shkurt 2016.