SHEFFIELD UNITED
Pas 12 vitesh i kthehen Premier Ligës
29 April, 2019 @23:29
Pas barazimit të Leedsit me Aston Villën 1-1 dje, edhe zyrtarisht Sheffield United është ekipi i dytë që siguron Premier Ligën nga Championship.
Arritje e madhe e ekipit nga Sheffield, derisa bëhet ekipi i dytë pas Norwich Cityt që merr biletën për ligën më fitimprurëse në botë.
Sheffield United arrin Premier Ligën për herë të parë që prej vitit 2007, ndërsa kryetrajneri i ekipit Chris Wilder ka thënë se kjo është njëra ndër ditët më të mira të jetës së tij.
Wilder, tifoz i ekipit dhe i lindur në Sheffield, kishte marrë drejtimin e ekipit në qershor të vitit 2016.
Trajneri 51 vjeç më parë kishte sjellë titullin në League Two për Northamptonin, ndërsa morri drejtimin e Sheffieldit kur ekipi tashmë kishte kaluar 5 sezona në League One. Para se të merrte drejtimin e Sheffield Unitedit, ekipi i tashëm i Wilderit kishte përfunduar stinorin në League One në pozitën e 11-të. Ai në tre stinorë bëri dy ngritje të mrekullueshme për ekipin e qytetit të tij.
