KARAGAÇ
Foto: KBPeja/fb
Peja zyrtarizon alo-qendrën më të dalluar të ligës rumune
21 September, 2019 @23:30
Skuadra e Pejës mëton të kthehet në Superligë si asnjëherë më parë. Këtë po e vërteton çdo ditë e më tepër, ndërsa sonte ka zyrtarizuar edhe përforcimin e radhës.
Fjala është për qendrën amerikane Jordan Martin, që në stinorin e kaluar ka qenë ndër basketbollistët më të dalluar nën trapez në elitën e basketbollit rumun.
Martin ka pasur mesatare prej 21.6 pikëve për ndeshje dhe 13.1 kërcimeve për ndeshje me ekipin e tij Targu Jiu në stinorin e kaluar dhe pritet të jetë njëri ndër përforcimet më të fuqishme të skuadrës, që të tregojë veten gjatë stinorit. Basketbollisti 25 vjeç ka luajtur 7 ndeshje për ekipin rumun në fund të stinorit të kaluar për të treguar vlerën e vetë aty, me mesatare 32 minuta për lojë.
