KF LLAPI
Përforcon sulmin, shtyen kontratat e 4 futbollistëve
1 June, 2019 @9:12
Vazhdon puna e Llapit për sezonin e ri të Superligës!
Pas Blendi Memajt, skuadra llapjane dje ka zyrtarizuar edhe një përforcim.
Bëhet fjalë për sulmuesin Emran Ramadani, i cili te Llapi vjen nga skuadra e Renovës.
27-vjeçari Ramadani, luan si sulmues i krahut, deri gjatë karrierës së tij ka luajtur për Hajduk Kulan në Koraci, Shkëndijen e Tetovës, skuadrën e Korabit të Debarit në Maqedoni, Partizanin e Tiranës dhe si dhe Renovën, skuadra e tij e fundit.
Përveç sulmuesit në fjalë, Llapi dje ka vazhduar kontratat edhe me katër futbollistë të rëndësishëm të skuadrës. Të paktën edhe për një vit pjesë e Llapit zyrtarisht do të jenë Benjamin Emini, Mentor Zhdrella, Behar Maliqi dhe Bujar Idrizi.