YJET E VENDIT
Përfundojnë stërvitjet e fundit para nisjes për në Angli
8 September, 2019 @19:37
Kombëtarja e Kosovës e ka zhvilluar seancën e fundit stërvitore në stadiumin “Fadil Vokrri” para udhëtimit në Angli.
TABELA AKTUALE dhe ORARI I NDESHJEVE
Në stërvitjen e sotme përzgjedhësi Bernard Challandes ka angazhuar vetëm lojtarët që nuk u paraqitën në ndeshjen e djeshme kundër Çekisë dhe ata që luajtën si zëvendësues, derisa pjesa e futbollistëve titullarë kishin vetëm aktivitete në hotel.
Për më shumë se një orë futbollistët bën stërvitje me intensitet të lartë fizik, ku u fokusuan në vrapime dhe stërvitje të forcës fizike, por më pas edhe në lojë me pasime të shkurta dhe në gjuajtje standarde.
TABELA AKTUALE dhe ORARI I NDESHJEVE
Gëzon fakti se gjendja e futbollistëve është shumë e mirë dhe që të gjithë janë në dispozicion për ndeshjen e radhës kundër Anglisë, e cila zhvillohet të martën në Southampton.