Petrit Rushiti, zyrtarizohet si trajner i ekipit nga Prizreni

Vetëm dy ditë pasi që Granit Begolli u zyrtarizua si trajner i Lirisë për vazhdim të stinorit në Ligë të Parë Grupi A, edhe skuadra tjetër prizrenase që garon në këtë ligë, ka zyrtarizuar trajnerin e ri të ekipit.

A&N paralajmëroi mbrëmë, ndërsa në mëngjesin e sotëm bëri të ditur se ka arritur marrëveshje me trajnerin e ri në tregun e futbollit tonë, Petrit Rushiti.

Rushiti duket të jetë trajner ambicioz, ndërsa ka punuar deri vonë si ndihmës-trajner i Arbnor Morinës, tash te Ferizaji. Ai ka licensën A të UEFA-së, që e bën interesant për tregun prizrenas, ku nuk ka shumë persona me këtë licencë.

Foto: Genc Tamniku, deri në fund të stinorit vjeshtor ishte kryetrajner dhe drejtor sportiv.

Trajneri i ri, Petrit Rushiti, do të prezantohet më 17 dhjetor në klubin A&N, ndërsa me të ekipi synon të ngritet në një nivel tjetër dhe të arrijë objektivat që i ka vënë para vetes, e që këtë stinor dukej se është Superliga. Sipas informatave, ai është i njohur si trajner që kërkon shumë disiplinë, veçanërisht në stërvitje.

Përndryshe, A&N deri tash drejtohej nga Genc Tamniku, që kryen edhe detyrën e trajnerit e edhe të drejtorit, ndërsa vjeshtën në Ligë të Parë e kryen në pozitë të pestë me 19 pikë. Rushiti do ta përgatis skudrën prej Vitit të Ri, me theks të veçantë opsional, mundësia për Superligë.