PARA NDESHJES NDAJ SHQIPËRISË
Pogba s’luan ndaj Shqipërisë, ftohet talenti
2 September, 2019 @22:18
Për shkak të një lëndimi, njëri ndër lojtarët më të mirë të Kampionit Botëror, Paul Pogba, nuk do të jetë në dispozicion të selektorit Didier Deschamps për ndeshjet kualifikuese të këtij muaji.
Franca më 7 shtator luan ndaj Shqipërisë, ndërsa me të 10-tin pret Andorrën.
E mungesa e Pogbasë i ka hapur rrugë talentit francez që luan me sukses te Arsenali, Matteo Guendouzi, i cili është befasuar nga ftesa dhe është treguar jashtëzakonisht i lumtur për mundësinë që i është nga selektori Deschamps.
Franca është lidere e Grupit H kualifikues për EURO 2020, ku garon edhe Shqipëria. Kjo do të jetë ndeshja e parë zyrtare mes ekipeve që prej duelit të zhvilluar në kuadër të EURO 2016, ku kuqezinjtë ishin mposhtur në minutën e fundit të ndeshjes nga Franca.
Shqipëria ka vetëm 3 pikë më pak se Franca lidere dhe pas duelit ndaj tyre pret në Elbasan Arena Islandën.