PRISHTINA - TREPÇA'89
Prishtina çlirohet në pjesë të dytë, titulli në ndeshjen e fundit!
15 May, 2019 @19:39
Fitorja e dhjetë në 11 ndeshjet e fundit për Prishtinën në Superligë sot ka ardhur në pjesë të dytë të takimit me Trepçën’89.
Pjesa e parë nuk ka sjellë gola, derisa Prishtina kërkonte më shumë. Ka qenë së pari Mërgim Pefqeli, pastaj edhe Gauthier Mankenda që ka tentuar por pjesa e parë përfundoi pa gola, 0-0.
Vlen të ceket një vonesë e pashpjegueshme dhe që duhet të shqyrtohet mirë nga FFK. Mbi 6 minuta është vonuar fillimi i pjesës së dytë të takimit mes Prishtinës - Feronikelit, derisa zyrtarisht nuk u dha asnjë shpjegim për këtë!
E në pjesë të dytë të ndeshjes nikoqirët kapën epërsinë përmes Mankendës 1-0 (48’), që pas kësaj çliroi lojën dhe shpejt shënoi edhe Basit Khalid për 2-0 (67’).
Deri në fund të ndeshjs Mankenda pat edhe një rast të mirë për të shënuar, kurse vulën ndeshjen ia qiti Mario Morina me golin e tij në kohën shtesë për përfundimtaren 3-0 (90’+3).
Fitorja e çon Prishtinën në ndeshjen finale të kampionatit me vetëm një opcion, fitoren. Feronikeli lider ka dy pikë më shumë dhe Prishtina duhet ta mposht Feronikelin si mysafir në xhiron e fundit për tu bërë kampion. Çdo rezultat tjetër e bën niklin kampion.
Trepça’89 në anën tjetër dukej më e koncentruar për finale të Kupës, që e sheh si opcion për të dalë në gara evropiane, nëse e fiton Kupën ndaj, gjithashtu Feronikelit në finale.