PRISHTINA - PRIZRENI
Prishtina këndellet në pjesën e dytë, mposht Prizrenin
15 January, 2020 @21:02
Prishtina e cila ishte në disavantazh gjatë pjesës së parë të ndeshjes ndaj Prizrenit, me lojë të mirë në pjesën e dytë e mposhti Prizrenin me rezultat 91-76.
Skuadra e Prizrenit në çerekun e tretë e lëshoi epërsinë e krijuar në 20 minutëshin e parë, deri në çerekun e fundit u dorëzuat totalisht dhe pësuan me 15 pikë diferencë.
Jordan Johnson shkëlqeu te Prishtina me double-double prej 23 pikëve e 11 asistimeve. Lojë të mirë treguan edhe Mikaile Tmusic me 21 pikë e 9 kërcime dhe Fahro Alihodzic me double-double prej 16 pikëve e 11 kërcimeve.
Te Prizreni me double-double luajti Urim Zenelaj (20 pikë e 13 kërcime), derisa u ndihmua edhe nga Andre Walford me 19 pikë dhe Ty Nichols me 15 pikë të tjera.
Prishtina me 14 fitore e 4 humbje gjendet në krye të tabelës, derisa Prizreni aktualisht është në pozitën e katërt me 10 fitore e 8 humbje.
Në xhiron tjetër Prishtina do të përballet në derbin me Pejën, kurse Prizreni me Feronikelin.