Prishtina me përforcim nga Shqipëria

Marjo Morina është përforcimi më i fundit i skuadrës së Prishtinës.

Nënkampioni në fuqi i Kosovës ka zyrtarizuar sot sulmuesin që në karrierën e tij ka 131 paraqitje në Kategorinë Superiore të Shqipërisë, në të cilat ka shënuar 26 gola, si dhe 37 ndeshje e 14 gola në Kategorinë e parë të Shqipërisë.

Ish-futbollisti i Tiranës, Skënderbeut, Flamurtarit të Vlorës, Kukësit, Kamzës, Besës së Kavajës dhe së fundi i Tiranës, ka punuar edhe më parë me trajnerin Mirel Josa, aktualisht trajner i Prishtinës, gjë që ndikoi në transferimin e tij te skuadra më e trofeshme e futbollit kosovar.

Përveç përforcimit, sot Prishtina ka njoftuar edhe për vazhdimin e kontratës me mbrojtësin Armend Dallku, i cili ka nënshkruar kontratë të re 1-vjeçare me klubin në fjalë.