Prishtina ndalet në Suharekë

Pa fitues u mbyll dueli i sotëm mes Ballkanit dhe Prishtinës në Suharekë, duel në të cilin të dyja skuadrat shënuan nga një herë.

Për t’u veçuar nga pjesa e parë është një shtyllë e goditur nga Besnik Krasniqi i vendasve dhe një gol i anuluar për shkak të pozicionit jashtë loje, gjithashtu i vendasve, ndërsa golat e ndeshjes u shënuan në pjesën e dytë.

TABELA AKTUALE SUPERLIGA

Të parët që realizuan ishin mysafirët përmes Gauthier Mankendas, i cili shënoi pas asistimit nga Ahmeti, e më pas vendasit barazuan përmes futbollistit Blend Baftiu, i cili e konkretizoi mundësinë e tij në minutën e 72’ të ndeshjes. Në vazhdim të ndeshjes gola nuk pati dhe takimi u mbyll me rezultatin përfundimtar 1-1.

Ky është barazimi i parë i Prishtinës sivjet pas dy fitoreve radhazi, ndërsa duhet përmendur që ky ekip ka një takim më pak të zhvilluar. Sa i përket Ballkanit, kjo është pika e katërt sezonale, pikë e cila erdhi në debutimin e trajnerit Sami Sërmaxhaj.

FORMACIONET STARTUESE