HENDBOLL
Prishtina riorganizohet në hendboll, paralajmëron kuvendin zgjedhor
14 January, 2021 @20:35
Skuadra e Prishtinës në hendboll së shpejti pritet të ketë kryesinë dhe bordin e ri që do ta udhëheqë drejt synimeve të klubit.
Bardhekaltërit sot nëpërmjet një njoftimi kanë bërë të ditur se mbledhja e kuvendit zgjedhor të klubit do të mbahet më 18 janar, gjersa janë ftuar të gjithë anëtarët e kuvendit për këtë mbledhje dhe të gjithë të tjerët që dëshirojnë të kontribuojnë, që t’i bashkangjiten kauzës së klubit.
Më poshtë gjeni njoftimin e plotë të KH Prishtinës:
“Me shumë kënaqësi ju njoftojmë se me vendim të kryetarit, Edi Kolgeci, me datën 18 Janar 2021 do të mbahet kuvendi i KH Prishtina ku do të zgjidhet kryesia/bordi i ri. Kuvendi do të mbahet në zyret e klubit në Pallatin e Rinisë dhe Sporteve në Prishtinë me fillim nga ora 16:00, duke respektuar të gjitha masat anticovid. Informatat e detajuara do të ju dërgohen të gjithë anëtarëve me kohë. Klubi jonë, fton të gjitha kompanitë dhe individët që e duan hendbollin dhe Prishtinën të na bashkangjiten në kauzën tonë.
Me datën 18 Janar 2021, KH Prishtina fillon me pregaditjet për sezonën 2021/2022 në ora 17:15 ku pjesëmarrës në ditën e parë do të jenë të gjitha grupmoshat e reja, dhe ekipa e parë.
Na priftë e mbara!
Prishtina2021.”