PRIZRENI - TREPÇA
Prizreni me fitoren e tretë radhazi, Trepça në zonë të rrezikshme
29 January, 2020 @18:53
Në ndeshjen hapëse të xhiros së 23, Prizreni e mposhti Trepçën me rezultat 91-86.
Prizreni e mbylli çerekun e parë me 8 pikë epërsi, derisa këndellja e skuadrës mitrovicase nuk u vonua dhe pjesën e parë e përfundoi me 2 pikë në epërsi (41-43).
Skuadra prizrenase përsëri e ktheu epërsinë në çerekun e tretë, derisa në 10 minutëshin e fundi rezultati ishte i ngushtë deri në fund, por djelmoshat e trajnerit Arbnori Rifati e kontrolluan më mirë ndeshjen dhe e mposhtën kundërshtarin.
Te Prizreni të vetmit me pikë dyshifrore ishin Ty Nichols e Urim Zenelaj. Nichols luajti me 30 pikë, 8 asistime e 6 kërcime, derisa Zenelaj me 25 pikë e 25 kërcime.
Te Trepça nuk mjaftuan 25 pikët e Alante Fennerit, 24 të DJ Hanes, 13 të Burim Zekiqit dhe 10 të Rinol Gashit për fitore.
Prizreni aktualisht gjendet në pozitën e tretë me 13 fitore e 8 humbje, kurse Trepça është në zonën e rrezikshme me 4 fitore e 16 humbje.
Në xhiron tjetër Prizreni takohet me Bashkimin, kurse Trepça me Pejën.