Të gjitha lajmet

KOMUNIKATË E KB RAHOVECI

Rahoveci tërhiqet nga organizimi i ndeshjeve të reprezentacionit

Rahoveci tërhiqet nga organizimi i ndeshjeve të reprezentacionit

6 May, 2019 @16:04

Përmes një njoftimi të botuar në llogarinë zyrtare të klubit të Rahovecit, është bërë e ditur se skuadra në fjalë është tërhequr nga organizimi i ndeshjeve të fazës së tretë parakualifikuese për Kosovën në Eurobasket.

E tëra kjo ka ardhur pas votimit të rregullores për mirëmbajtjen e palestrës në asamblenë e këtij qyteti.

Mëposhtë, lexoni komunikatën e plotë të klubit:

“Të nderuar qytetarë të Komunës së Rahovecit, skuadra jonë por edhe i tërë qyteti po kalon nëpër momentet më historike që nga themelimi i klubit. Organizimi i FINAL 8 arritja në finale të Superligës, ka bërë që për këto suksese të flasin edhe mediat ndërkombëtare, madje edhe të diskutohet në FIBA, dhe për këto arsye është vendosur që ndeshjet ndërkombëtare të Kosovës të zhvillohen në arenën “Mizahir Isma”, për çka KB Rahoveci ka kërkuar dhe është shprehur i gatshëm të organizoi këtë kompeticion të rëndësishëm për tërë Kosovën. Të nderuar, duket se ky rrugëtim i suksesshëm ka filluar dikujt t’i pengoj gjatë rrugës.

E gjitha ka nisur me diskutime për rregulloren dhe mirëmbajtjen e shtëpisë sonë, palestrës e cila është jashtë çdo standardi dhe etike për të ndihmuar klubet në zhvillimin e tyre. Dhe si për ironi, kjo rregullore u votua nga asamblistët e Kuvendit Komunal në Rahovec, vetëm një ditë pas arritjes së finales historike në Superligë.

Të nderuar, bordi i KB Rahoveci është në diskutim të kësaj çështje pothuajse nga dita e parë, përkundër angazhimeve të shumta që ka pasur rreth kampionatit u ka bërë me dije çdo herë autoriteteve lokale sy ky dokument është i pa pranueshëm dhe shumë i dëmshëm për klubet në Komunën tonë. Përveç kësaj, KB Rahoveci dy ditë para votimit ka dërguar edhe një email ku ka shprehur qartazi mos pajtimet për këtë çështje, por edhe kjo ka rënë në vesh të shurdhër. Injorimi i formës së tillë ndaj një klubi i cili po vazhdon të mbajë gjallë shpresën për sport jo vetëm në Rahovec, është i papranueshëm për ne.

Ne kuptojmë se palestra duhet të ketë zot shtëpie dhe për këtë bordi i KB Rahovecit në diskutimet e vazhdueshme ka dhënë propozime se si duhet të gjendet zgjidhja, ne mesin e tyre që palestra të menaxhohet në mënyrë të përbashkët nga klubi dhe komuna.

Ne u jemi falendures dhe çdo herë kemi qenë të tillë ndaj autoriteteve të Komunës të cilët kanë ndihmuar klubin në secilën formë, por konisederojmë se ndihma dhe një veprim i tillë më rregulloren, nuk i takojnë një bashkëpunimi të sinqertë dhe që ka për qellim zhvillimin e klubit dhe sportit në përgjithësi në komunën tonë.

Për këto arsye bordi i KB Rahovecit në shenjë mos pajtimi më këtë vendim të Kuvendit Komunal është tërhequr nga organizimi i dy ndeshjeve ndërkombëtare të Kosovës, ndaj Britanisë së Madhe dhe Luksemburgut. Për këtë vendim janë të njoftuar edhe autoritet e FBK-së. Bordi i KB Rahoveci i bënë thirrje Kuvendit Komunal që të tërheqë menjëherë këtë rregullore përpara se të merren veprime të tjera të cilat mund të dëmtojnë edhe më shumë të ardhmen e sportit dhe zhvillimin e klubeve.” - përfundon njoftimi i Bordit të KB Rahoveci.

GJOBAT NGA INFORMATORI 36

€800 gjoba nga ndeshja e dytë e serisë

Foto: KBRahoveci/fb

6 May, 2019 @15:18

Tetëqind euro gjoba në të holla janë shqiptuar nga Komesari i Garave të FBK-së pas ndeshjes së dytë të serisë…

PRISHITNA - RAHOVECI

Caktohet orari i ndeshjes së tretë finale

6 May, 2019 @15:18

Ndeshja e tretë në serinë finale të Superligës së Kosovës në basketboll në mes të Prishtinës dhe Rahovecit, do të…

NGA INFORMATORI

Prishtina pa Mulaomerovicin në ndeshjen e radhës

6 May, 2019 @15:11

Në Informatorin e fundit të Superligës Nr. 36, pas ndeshjes së dytë të serisë finale Rahoveci - Prishtina, është bërë…

GAME 2: RAHOVECI - PRISHTINA

Super Rahoveci barazon serinë finale

5 May, 2019 @19:12

Humbja e parë e Prishtinës në këtë sezon në ndeshjet e luajtura në garat vendore erdhi në ndeshjen e dytë…

RAHOVECI - PRISHTINA

4+ për Rahovecin, edhe 10 minuta lojë

5 May, 2019 @18:24

Rahoveci e mbylli me 4 pikë në epërsi çerekun e tretë. Rezultati është 68-64 në favor të vreshtarëve. DeShon Minnis…

Të gjitha lajmet nga FBK Superliga