REFERI KRYESOR PËR NDESHJEN IV
Refer maqedon, për ndeshjen e katërt të serisë finale
23 May, 2017 @22:10
Federata e Basketbollit të Kosovës (FBK) për ndeshjen e katërt të serisë finale të Play-Offit të Superligës ndërmjet Bashkimit dhe Sigal Prishtinës që pritet të zhvillohet nesër mbrëma në Prizren, ka deleguar referin maqedonas Marjan Micevski si kryesor.
Micevski, do të asistohet nga Alija Ferevski dhe Xhelal Mumini.
Referët ndërkombëtar në serinë finale po delegohen me kërkesë të klubeve. Ndeshjen e parë e pat referuar si kryesor, Zoran Mitrevski (IRJ Maqedoni), ndërsa të dytën dhe të tretën kanë qenë referë nga Turqia (Zafer Yilmaz dhe Yilmaz Yener).