SHIKUESHMËRIA
Rekord shikuesish në Karagaç këtë stinor
20 January, 2020 @23:12
Përballja derbi ndaj rivalit të vjetër, Prishtinës, ka bërë Karagaçin palestrën më të vizituar këtë fundjavë në duelet e xhiros XXI të Superligës së Kosovës në basketboll.
Për derbin Peja - Prishtina në Karagaç u mblodhën 3 mijë shikues, ka raportuar FBK sot, ndërsa ky numër është rekord shikuesish për këtë stinor te verdhezinjtë e rikthyer furrishëm në Superligë, pas një stinori mungesë.
I jashtëzakonshëm ka qenë numri i shikuesve edhe në Mizahir Isma të Rahovecit. Vreshtarët edhe pse luajtën me ekipin e fundit në renditje tabelare, Lipjanin, ata kanë pasur shifrën e 1 mijë e 700 shikuesish në sallë.
Në Suharekë, për përballjen Ylli - Trepça u mblodhën 800 shikues, ndërsa në Sezai Surroi të Prizrenit, vetëm 150 ndoqën duelin mes Prizrenit dhe Feronikelit.