RENOVA - HAJDUK SPLIT
Renova “arrë e fortë”, Hajduku kualifikohet me vështirësi
17 September, 2020 @18:29
Edhe pse zhvilloi një takim mjaft të mirë ndaj një kundërshtari shumë të fortë, skuadra e Renovës nga Maqedonia Veriore sot u detyrua të pajtohet me eliminim nga Europa League.
Skuadrën e Renovës sot e mposhti 0-1 Hajduku i Splitit, në një takim që u vendos nga një gol i shënuar nga futbollisti Caktas në minutën e 4’.
Në vazhdim të ndeshjes, e sidomos në pjesën e dytë, Renova luajti mjaft mirë, por barazimi nuk erdhi në asnjë moment dhe në rrethin tjetër të garës kaloi Hajduku i Splitit.
