Të gjitha lajmet

OPINION

Respekt për fitore

Fotografitë: TOPSPORTI/ Arian Paçarizi

Respekt për fitore

Shkruan: LUAN MORINA

25 March, 2019 @12:22

Kundër Danimarkës shfaqëm një lojë të bukur, me kurajë dhe guxim për të mos ndryshuar pa marrë parasysh rivalin. Pa tre lojtarë kyç në ekip arritëm të mposhtim danezët për 90 minuta lojë. Minutat shtesë ishin të kobshëm, me një lëshim që të kujton Shqipërinë e viteve 90ta e 2000ta!

Megjithatë, hedhja e një trajektoreje të tillë është e padrejtë për djemtë tanë të cilët me një qasje të ngjashme ndaj kundërshtarëve tjerë mund të bëjnë mrekulli! Duhen vetëm edhe dy gjëra në një shkallë më të lartë – respekti dhe përqendrimi.

Amir Rrahmani vs Lukas Lerager @ Kosovo - Denmark

Bullgarët janë ekip i moshuar, me një mbrojtje goxha statike derisa përdorin përgatitjen e ngadaltë të sulmeve dhe ndërprerjet për të dëmtuar kundërshtarin. Me krahët dinamik që i kemi dhe shfrytëzimin e kundërsulmeve lehtë mund t’i lëndojmë, e edhe të marrim tri pikë.

Shiko: ORARI dhe TABELA EURO 2020

Për të mposhtur bullgarët pos talentit që e kemi mbi të gjitha na nevojitet respekti ndaj kundërshtarit. Në mungesë të respektit bie niveli i përqendrimit dhe pastaj mund të pësojmë gola sikur ndaj Danimarkës! Gola të tillë, në fund të ndeshjes nuk na nevojiten. S’besoj që ai gol do të ketë ndikim në përgatitjen psikike për këtë ndeshje.

Bersant Celina celebration for Kosovo

Celina ishte i jashtëzakonshëm të enjten duke e bërë atë që po e bën për Swansean këtë sezon. Mbresëlënës ishte mbrojtja përkundër mungesës së Kolollit. Aliti shfaqi përgatitje që nuk e prisja pas sezonit që ka pasur, derisa me qejf do të kisha parë Kryeziun e Xhemajlin. Paqarada pas një kohe të gjatë dukej se funksionoi mirë, gjersa vërehej mungesa e Kryeziut ndonëse Halimi ishte goxha i mirë në mbulimin e tij. Krahët e sulmit si zakonisht të shkëlqyeshëm, me qendërsulmuesit gjithmonë në formë. Krejt çfarë nevojitet tashti është përqendrimi kundër bullgarëve.

Për Panuccin

Në çfarë universi mund të punësosh një trajner që nuk ka pasur asnjë sezon të plotë me një ekip, e më së shumti ka qenë asistent në një kombëtare?!

Ardhja e Panuccit ka qenë e gabuar, ngjashëm si krejt periudha e tij në udhëheqjen e Shqipërisë. Largimi i tij është vendimi i duhur, ndonëse nuk është dashur të ndodhë kurrë (të mos vinte fare)! Kushdo që vjen pas tij do ta ketë më lehtë, së paku pa presionin e mediave! Ndeshja e parë është me Andorrën, ndonëse nuk do të jetë lehtë as me Moldavinë.

Shiko: ORARI dhe TABELA EURO 2020

Megjithatë, asnjë trajner që vjen nuk do të kryej punën e De Biassit. Ka qenë një në 104 vite! Ngjashëm si gjenerata.

Kjo Shqipëri është e përbërë nga lojtarë që nuk po kanë vend tek Kosova, dhe nga ata që nuk po gjejnë vend në Zvicër apo Greqi. Një ekip i tillë do ta ketë të vështirë të bëj mrekulli kundër ekipeve si Islanda e Turqia për të siguruar një biletë për Euro2020!



i:

Shkrimet e autorit, nuk paraqesin qëndrimin e redaksisë.

CITY

Pep zbulon se sa do të mungojë Sane

9 August, 2019 @17:06

Leroy Sane pritet të mungojë rreth gjashtë ose shtatë muaj pasi që pësoi lendim të gjurit. 23 vjeçari, krisi ligamentin…

ARRIHET MARRËVESHJA

Gjykatësi vendos për ditët e LaLigas

9 August, 2019 @17:02

La Liga dhe Federata e Futbollit e Spanjës kanë arritur marrëveshje përfundimtare sa i përket orarit të ndeshjeve për sezonin…

DANEZI

Edhe Schone largohet nga Ajaxi

9 August, 2019 @16:56

Transferi më i ri i ekipit të Genoa, Lasse Schone është zyrtarizuar gjatë dites së sotme. Për ekipin e…

RIKTHIM NË SUPERIORE

Ish mbrojtësi i kombëtares dhe Skënderbeut, te Tirana

9 August, 2019 @15:46

Futbollisti me përvojë, që së fundi luajti si mbrojtës te Skënderbeu i Korçës, Kristi Vangjeli, është zytarizuar sot si lojtar…

DREJTOR SPORTIV

Artim Pollozhani te Flamurtari i Vlorës

9 August, 2019 @15:42

Ish futbollisti i reprezentacionit të Maqedonisë dhe futbollisti i Flamurtarit të Vlorës, Artim Pollozhani, pas vënies së këpucëve në gozhdë…

Të gjitha lajmet nga