PRISHTINA
Rikthehet Alihodzic
12 August, 2019 @12:46
Kampionia e Kosovës Prishtina ka rikthyer basketbollistin boshnjak, Fahro Alihodzic, në ekip.
Ai ka qenë i transferuar edhe në stinorin e kaluar te bardhekaltërit, por nuk u paraqit, pasi që kishte një lëndim serioz.
Me 208 centimetrat e tij dhe lojën e mirë nën kosh ai pritet t’i sjellë qëndrueshmëri dhe siguri nën kosh Prishtinës.
Ai pjesën e madhe të karrierës së tij e kaloi në Greqi tek skuadrat Rethymno, Promitheas Patras e Panionis. Një edicion luajti edhe në Estudiantes Concordias të Argjentinës, kurse së fundi mbrojti ngjyrat e skuadrës nga Superliga e Belgjikës, Leuven Bears.
Alihodzic është përforcimi i dytë i bardhekaltërve për stinorin në vijim, pas Shea Feehan që u paralajmërua ditë më parë.