Samir Ujkani prezantohet te Torino

Portieri dhe kapiteni i reprezentacionit të Kosovës, Samir Ujkani, është prezantuar te Torinoja sot.

Skuadra italiane që ka nisur mbarë stinorin me dy fitore nga dy ndeshjet e para, ka zyrtarizuar sot portierin me përvojë të mëparshme nga Serie A.

Futbollisti 31 vjeç që më parë ka luajtur për ekipe si Novara, Palermo, Chievo, Genoa e Pisa pas një periudhe jo të mirë te Rizespori në Turqi, i është kthyer Italisë.

Ai është shprehur të jetë i lumtur dhe i nderuar që është pjesë e një klubi të tillë si Torinoja, ndërsa gjithashtu ka folur edhe për bashkëlojtarët e tij të dikurshëm prej Palermoje, veçanërisht për Salvatore Sirigun, portirin e parë aktual të Torinos, që e ka quajtur një shok tepër të mirë.