Shearer: Vetëm vetë mund ta humbin titullin!

Njëri ndër legjendat e Premier Ligës, Alan Shearer, në emisionin e rregullt të BBC Sportit, Match of the Day, ka bërë të ditur se Manchester Cityn, vetëm vetëvetja mund ta ndalë nga titulli kampion.

“E vetmja gjë që do të mund ta ndalte Manchester Cityn nga titulli kampion është nëse ata kolapsojnë për ndonjë arsye. Problemi i rivalëve të tyre është se ata nuk po duket që do të kenë mundësi të shpresojnë në këtë,” ka thënë Shearer.

Kjo deklaratë e Shearerit vjen pas fitores madhështore të Cityt ndaj kampionit aktual Liverpool, 1-4 në Anfield Road.

“Nuk po shoh asnjë ekip që do të mund të kapte formën e Cityt dhe t’i rivalizojë ata,” ka shtuar ndër të tjera ish-sulmuesi i Newcastle e Blackburn.

City me 22 ndeshje ka 50 pikë dhe është lider në Premier League, derisa United ka 5 pikë më pak me një ndeshje më shumë. Kampioni aktual, Liverpool, është 10 pikë më larg.