Prishtina s’lejoi befasi

Sigal Prishtina edhe në ndeshjen e fundit të stinorit të rregullt, arriti ta mposhtë Rahovecin me rezultat 99-93 dhe e përfundoi stinorin me vetëm një humbje.

Alban Veseli, shënoi 32 pikë në këtë ndeshje dhe ishte koshashënuesi më i mirë te Prishtina, derisa u ndihmua edhe nga Filip Bundovic me 27 pikë e 12 kërcime, kurse ylli veteran Granit Rugova luajti me shifrat magjike triple-double (12 pikë, 11 kërcime e 11 asistime).

Te Rahoveci më i miri ishte Tyler Deihl me 27 pikë të shënuara.

TABELA AKTUALE / SUPERLIGA

Sigal Prishtina, sivjet ka pësuar vetëm një herë nga Bashkimi, derisa në 27 ndeshjet e tjera arriti t’i mposht kundërshtarët, kurse Rahoveci, e përfundoi stinorin në pozitën e tretë dhe në Play Off do të përballet me Bashkimin.