SKËNDERBEU
Skënderbeu largon trajnerin
31 January, 2021 @15:20
Skuadra e fundit në radhitjen tabelare në Shqipëri, Skënderbeu, në pjesën e mbetur të kampionatit nuk do ta ketë në krye trajnerin e deritashëm Julian Ahmataj.
Nëpërmjet një njoftimi nga klubi korçar, është bërë e ditur se kontrata e trajnerit Ahmataj është shkëputur me marrëveshje të dyanshme.
“Ju njoftojmë se pas një bisede mes palëve , Klubi i Futbollit “Skënderbeu” dhe Julian Ahmataj kanë mbyllur marrëveshjen e bashkëpunimit me mirëkuptim.
KF Skënderbeu falenderon ish-trajnerin bardhekuq për përkushtimin dhe punën e mirë të zhvilluar gjatë kohës që ishte në drejtimin e ekipit.
I urojmë Ahmataj shumë suksese dhe fat në të ardhmen,” thuhet në njoftimin e Skënderbeut.
Trajneri Ahmataj e kishta marrë detyrën te klubi korçar në fillim të këtij stinori.