DRENICA - LLAPI
Super Arbnor Ramadani, Llapi fiton në Skenderaj
30 November, 2020 @14:56
Me fitoren e mysafirëve nga Podujeva është mbyllur dueli i sotëm mes Drenicës dhe Llapit në Skenderaj.
Dueli i luajtur sot në “Bajram Aliu” në fund u mbyll 0-1 (Arbnor Ramadani 88’).
Në pjesën e parë, skuadra e Drenicës rrezikoi përmes Tahirit e Zabërgjes, kurse mysafirët u kundërpërgjigjen me rastet e Zhdrellës e Jonuzit, mirëpo asnjëra skuadër nuk arriti ta gjejë golin në këtë pjesë.
E goli i fitores u shënua nga mysafirët shumë pak pa u mbyllur ndeshja.
Në minutën e 88’ të ndeshjes, fitoren e tretë sezonale për Llapin e solli Arbnor Ramadani, që nga distanca shënoi një supergol.
Kjo fitore është më se e mirëpritur për Llapin në luftën për mbijetesë, derisa për Drenicën sot ishte humbja e tretë rresht në Superligë.