DUELI I TRETË I SERISË
BOROZANI/A.P.
Të mërkurën, lufto ose fund i stinorit për Rahovecin
30 April, 2018 @15:27
Skuadra e Rahovecit, që shkroi historinë e klubit me kualifikim në Play-Off këtë stinor në Superligë (stinori i dytë si ekip elit) ka përcaktuar terminin për ndeshjen e tretë të serisë gjysmëfinale të Superligës.
Dy përballjet e para të zhvilluara në Prizren, Bashkimi i fitoi dhe tashmë ekipit prizrenas i duhet edhe një fitore për të siguruar finalen e Play-Offit.
SKEMA DHE REZULTATET E PLAYOFFit
Në anën tjetër, Rahoveci duket se nuk është dorëzuar dhe kërkon që së paku të shënojë fitoren e parë të serisë gjysmëfinale dhe të Play-Offit.
Më 2 maj, me fillim prej orës 19:30 në Shani Nushi të Gjakovës, Rahoveci pret Bashkimin në ndeshjen e tretë të serisë. Në rast të fitores së Rahovecit, seria vazhdon me edhe një ndeshje në Gjakovë, ndërsa në rast të fitores së Bashkimit, prizrenasit kryejnë serinë me 3-0 dhe kalojnë në finale të Play-Offit.
