XHIRO V
Borozani/Arkiv
Terminet për xhiron e pestë
24 October, 2017 @16:22
Këtë mesjavë, Superliga e Kosovës në basketboll vjen me dy ndeshje në kuadër të xhiros së pestë. Dy ndeshjet e tjera do të zhvillohen në data tjera, me Bashkimin e Prishtinën që kanë angazhime në BIBL, respektivisht FIBA Europe Cup.
Dueli hapës i xhiros zhvillohet nesër në Gjakovë, ku Rahoveci pret Kerasan Prishtinën me fillim nga ora 17:00, takim ky që nis me ‘vreshtarët’ favoritë.
Dueli tjetër i mesjavës zhvillohet të enjten, takim në të cilin Borea në Pejë pret Trepçën e fundosur, e cila shpreson këndelljen pas ardhjes së dy amerikanëve në skuadër.
Ndeshja mes Bashkimit dhe Pejës tashmë është caktuar që të luhet të hënën më 30 tetor, derisa termini për ndeshjen mes Prishtinës dhe Yllit nuk është caktuar ende.
