NGA LAZIO
Thomas Strakosha drejt Bundesligës!
9 February, 2021 @10:56
Portieri i kombëtares shqiptare, Thomas Strakosha, është duke biseduar për një kalim të mundshëm në Bundesligë.
Ekipet e interesuara nuk janë bërë të ditura nga Sky Sports i Gjermanisë, por në një bisedë me ta njëshi i kombëtares ka thënë:
“Jam i hapur për sfida të reja. Roma është shtëpia ime e dytë, por Bundesliga është shumë ligë interesante. Ky do të ishte një hap i madh për mua,” citohet të ketë thënë Strakosha.
Thomasi që u infektua me COVID-19 gjatë nëntorit të vitit të kaluar, e humbi vendin e portierit të parë te Lazio.
Ndërsa forma e mirë që e kapi rezervisti i tij Pepe Reina, ka bërë që trajneri i ekipit Simone Inzaghi të mos llogarisë shumë te shqiptari.
