TOP 5-shja e javës në Ligën e Femrave (2)

Pas ndeshjeve të përfunduara të xhiros së dytë në Ligën e Femrave në basketboll, TopSporti.com ka përzgjedhur pesëshen e javës bazuar në performancat individuale të lojtareve.

Ekipin e javës e përbëjnë: Agnesa Rrahmani (Kastrioti), Danisha Shaw (Prishtina), Valbona Bytyqi (Penza), Khadija Brown-Haywood (Bashkimi) dhe Aisha Balarabe (Bashkimi).

Në fitoren e parë të stinorit për Kastriotin, rolin kryesor e luajti Agnesa Rrahmani. Agnesa kundër Vëllaznimit shkëlqeu me 31 pikë e 16 kërcime, derisa skuadra e saj në total i shënoi 48 pikë.

Vashat e Prishtinës pësuan në ndeshjen derbi ndaj Bashkimit. Danisha Shaw kundër ish-skuadrës së saj luajti me 27 pikë, 6 kërcime e 5 topa të rrëmbyer.

Valbona Bytyqi po vazhdon t’i ndihmojë Penzës me performancën e saj. Ajo në ndeshjen kundër Trepçës ishte shumë afër shifrave magjike triple-double. Bytyqi luajti me

22 pikë, 10 kërcime e 7 asistime.

Dyshja e Bashkimit, Khadija Brown-Haywood dhe Aisha Balarabe, ishin më të dalluarat në fitoren derbi kundër Prishitnës. Khadija Brown-Haywood luajti me 23 pikë e 8 kërcime, ndërsa Aisha Balarabe me 23 pikë e 15 kërcime.