TEAM OF THE WEEK
TOP 5-shja e javës në Superligë (22)
27 January, 2020 @13:21
Pas ndeshjeve të përfunduara të xhiros së 22 në Superligën e Kosovës në basketboll, TopSporti.com ka përzgjedhur pesëshen e javës bazuar në performancat individuale të lojtarëve.
Ekipin e javës e përbëjnë: Valon Bunjaku (Ylli), Alban Veseli (Rahoveci), Samir Zekiqi (Ylli), Rick Jackson (Peja) dhe Urim Zenelaj (Prizreni).
Valon Bunjaku dhe Samir Zekiqi, ishin më të mirët te Ylli në përballjen kundër ish-skuadrës së tyre, Bashkimit.
Valoni luajti me double-double prej 16 pikëve e 10 asistimeve, derisa i rrëmbeu edhe 6 kërcime, kurse Samiri shkëlqeu me 21 pikë, 6 kërcime, 2 asistime e 2 bllokada.
Në fitoren e Rahovecit kundër Trepçës, më i dalluari ishte Alban Veseli. Ai luajti me 25 pikë, 4 kërcime e 3 asistime, derisa ishte i saktë nga vija e treshit 4 herë në 6 tentimet e tij.
Peja ishte shumë afër të befasohet në këtë xhiro kundër Feronikelit, por përvoja e bëri të vetën dhe arritën të triumfojnë pas vazhimeve. Më i veçuari te Peja ishte Rick Jackson me 15 pikë, 11 kërcime, 5 asistime e 2 topa të rrëmbyer.
Prizreni e mposhti Lipjanin pa problem. Njëri ndër më të mirët te skuadra prizrenase ishte Urim Zenelaj që luajti me double-double prej 13 pikëve e 17 kërcmeve, për ta kompletuar pesëshen për këtë xhiro.