Trepça i kthehet fitores pas 5 xhirosh duke mposhtur Pejën favorite

Trepça ka bërë befasinë e xhiros duke e mposhtur Pejën favorite në Minatori sonte. Mitrovicasit kanë pasur epërsi që nga çereku i parë dhe e kanë ngritur avantazhin në çdo 10 minutësh të lojës, për të shkuar qetë në fund për fitore 95-79 [16-13, 25-17, 26-17 dhe 28-32].

Kjo ka qenë fitorja e parë e Trepçës pas 5 xhirosh në Superligë, derisa Peja ka pësuar humbjen e parë pas tre fitoreve rresht të shënuara.

Më efikasi te Trepça në këtë fitore ka qenë amerikani Alante Fenner me 25 pikë të shënuara e 7 kërcime, ndërsa atij i ka ndihmuar edhe DJ Hanes që ka dhënë 25 pikë e 8 kërcime në proces.

TABELA AKTUALE

Te Trepça pikë dyshifrore shënuan edhe Cendric Council 12, Besnik Azemi e Malik Irwin - nga 10 secili.

Pejës nuk i mjaftuan 23 pikët e Dardan Berishës, e as 19 të tjera të shënuara nga Nigel Johnson, ku verdhezinjtë u pajtuan me humbje.

Me këtë fitore Trepça arrin kuotën e 5 fitoreve krahas 16 humbjeve që i ka, derisa Peja tash ka bilans 12-9.