Trepça po kërkon rikthimin e Hajrizit dhe Malës

Skuadra e Trepçës që në stinorin e kaluar nuk ka arritur të kryejë sezonin në TOP 4 të Superligës, këtë stinor po mëton të rikthejë mitrovicasit që luajtën për ekipet tjera në Kosovë.

Kështu, në një njoftim të publikuar pak më parë në faqen zyrtare të klubit në Facebook, ekipi ka bërë të ditur se po punon për të rikthyer në skuadër Drilon Hajrizin, i cili pas rikthimit nga Japonia dhe rikthimit nga lëndimi i rëndë e pati, stinorin e kaluar luajti me sukses te Bashkimi.

Ndërsa njëjtë, ekipi gjelbër e zi po mendon edhe rikthimin e basketbollistit të ri, Musab Mala, i cili luajti për skuadrën e Lipjanit në Superligë në stinorin e shkuar.

“KB Trepça po bën angazhim maksimal për të rikthyer në klub Drilon Hajrizin dhe Musab Malën. Kërkojmë përkrahjen e bizneseve që të kthejmë klubin aty ku e kemi vendin,” ka shkruar njoftimi.