GERMAN GP
Foto: Formula 1
Vazhdon kriza e Ferrarit, triumfon Hamilton
31 July, 2016 @17:26
Në garën për çmimin e madh të Gjermanisë, fitues doli Lewis Hamilton, i cili edhe pse u nis i dyti, arriti ta parakalonte shokun e tij të skuadrës Nico Rosberg që në fillim të garës, për të mos e lëshuar më pas vendin e parë deri në fund.
Në podium pas anglezit Hamilton ishin Daniel Ricciardo dhe Max Verstappen, ndërsa Rosberg zhgënjeu tifozët e tij duke përfunduar në vendin e katërt, përkundër faktit që garën e filloi nga ‘Pole Position’. Për më tepër, gara po zhvillohej në vendlindjen e tij.
Ndërkohë, zhgënjimi në skuadrën e Ferrarit vazhdon. As Sebastian Vettel e as Kimi Raikkonen nuk arritën më shumë se pozitat 5 dhe 6, duke e vazhduar kështu formën e dobët këtë sezon.
Fitorja e arritur sot bën që Hamilton të mbetet i pari në renditjen e përgjithshme, me 19 pikë më shumë se vendi i dytë, i cili mbahet nga Nico Rosberg, koleg i anglezit në skuadrën ‘Mercedes’.
Renditja e pilotëve në garën e sotme:
Renditja e përgjithshme:
